2050 nçe yılda 1,3 milliard keşedä şikâr awıruı bulır dip farazlana
Tikşerenü näticäläre şunı kürsätä
2050 nçe yılda 1 milliard 300 million keşedä şikâr awıruı bulır dip farazlana.
”The Guardian” xäbärenä qarağanda, yaña tikşerenü kürsätkänçä, şikär awıruı 2021 nçe yılda dön’ya külämendä 529 million keşegä täêsir itkän, 2050 nçe yılda anıñ belän awıruçılar sanı 1 milliard 300 million keşegä citäçäk.
30 yıl êçendä ber ildä dä şikâr awıruı kimemäyäçäk digän faraznı üz êçenä alğan tikşerenü simerü häm sälamätlek saqlaw xezmätlärenä ireşüdäge tigezsezlek arqasında anıñ belän awıruçılar sanı ikelätä artırğa mömkin dip kisätä.
"The Lancet" jurnalında basılğan tikşerenü avtorları küpçelek oçraqlarnı täşkil itkän 2 nçe tiptağı diabetnı kisätü mömkin buluın häm irtä dignoz quyıp wäzğıyät’ne üzgärtü mömkinlegenä basım yasıy.
Tikşerenüçelär az keremle yäki rasaçılıqqa duçar bulğan törkemnärneñ insulin preparatları satıp alu häm tormış sıyfatınıñ tübän buluı arqasında qan şikären kontrol’dä totunıñ awırlaşuın, şulay itep ğomer ozınlığınıñ qısqaruın assızıqlıylar.
Mäğ’lümatlar, Berläşkän Millätlär Oyışmasınıñ 2050 nçe yılda dön’yada xalıq sanınıñ 9,8 milliardqa citäçäge turındağı farazın isäpkä alğanda, 7 keşeneñ bersendä şikâr awıruı bulaçağın kürsätä.
