449 millionnan artıq bala qaynar bäreleş töbäklärendä yäşi

Dön’yada yıl sayın küp sanda bala bäreleşlär arqasında ğomeren yuğalta, 449 millionnan artıq bala qaynar bäreleş töbäklärendä yäşi.

Berläşkän Millätlär Oyışması 1982 nçe yılda 4 nçe iyün’ne İzrail höcümnärennän zıyan kürgän Fälästin häm Livan balaları öçen “Xalıqara bäreleş qorbanı ğayepsez balalar köne” dip iğ’lan itte.

BMO beldergänçä, balalarğa qarata êşlängän cinayät’lär üterü, seksual’ cäberläw, balalarnı suğışta qullanu, alarnı ğarip qaldru, gumanitar yärdämgä ireşüne totqarlaw kebek ğamällärdän tora.

Berläşkän Millätlär Oyışması xisabında äytelgänçä, 2021 nçe yılda balalarğa qarata iñ küp cinayät’ qılınğan illär – Äfganstan, Kongo, İzrail, Fälästin, Somali, Süriyä xakimiyäte häm Yämän.