Yaponiyä xökümäte räise ulın êştän qua

Yaponiyädä xökümät räise Kisida Fumionıñ särqatibe häm iñ ol ulı Kisida Syetaro räsmi toraqta küñel açu çarası oyıştıruı öçen wazıyfasınnan quıla.

İldä çığuçı “Şukan Bunşun” jurnalında bastırılğan xäbärneñ qaytawazı däwam itä. Anda Kisida Syetaronıñ xökümät räiseneñ räsmi rezidenśiyäsendä kiçä ütkärüe äytelä. Fotolarda isä anıñ qunaqqa kilgän tuğan-tumaça häm çit mösafirlar belän küñel açu mizgelläre häm ber keşeneñ qızıl keläm belän qaplanğan basqıçta yatıp räsemgä töşüe kürenä.

Yaponiyä xökümäte räise monnan alda särqatibe häm ulı Kisidağa küñel açu çaraları turında kiräkle belderülärne yasawın häm mäs’älä belän bäyle yaña qarar çığaruın äytte. Ul wazıyfası häm cämäğat’çelek qarşındağı cawaplılığı säbäple ulınıñ ğamälläreneñ urınsız buluın assızıqladı. Xökümät räise anıñ 1nçe iyündä êşennän kitäçägen belderde.

Däwlät telekanalı NHK älege särqatib wazıyfasına Kisida Syetarodan alda şunda xezmät itkän Yamamoto Takayoşinıñ kire qaytaçağın citkerde.

2021nçe yılnıñ oktyabrendä xökümätne citäklägän Kisida Fumio, ber yıl wazıyfasın başqarğannan soñ, 31 yäş’lek ulı Kisida Syetaronı baş särqatibe bularaq bilgelägän ide.