Sudanda êvakuaŝiya başlandı

Sudanda armiya belän xärbi köçlär arasında başlanğan bäreleşlärgä ber atna buldı.

Ramazan bäyrämendä iğlan itelgän utnı tuqtatuğa qaramastan başqala Xartumda bäreleşlär däwam itä.

Çıqqan bäreleşlärdä yözlärçä keşe ülde.

Soğud Ğaräbstanı ildän berençe êvakuaŝiya operaŝiyasen çınğa aşırdı.

İlneñ däwlät televideniyese Qızıl diñgez aşa köymä belän başqarılğan êvakuaŝiya belän bäyle küreneşlärne urtaqlaştı.

Ciddä portına kilüçelär arasında xatın-qız häm balalar da bar ide.

Êvakuaŝiyalänüçelär arasında 12 il watandaşı häm diplomatlarnıñ da buluı belderelde.

Amerika Quşma Ştatları da Xartumdağı ilçelek personalın êvakuaŝiyaläde.

70 tiräse ilçelek personalı ğailäläre belän bergä imin urınğa küçerelde.

AQŞ prezidentı Djo Bayden êvakuaŝiya operaŝiyase öçen Cibuti, Êfiopiya häm Soğud Ğarästanına räxmät belderde.

Taraflarnı utnı tuqtatırğa çaqırğan Bayden Sudandağı AQŞ ilçelegeneñ waqıtlıça yabıluın citkerde.

Germaniya, İspaniya häm Misır da watandaşları öçen êşkä kereşergä äzer buluların açıqladı.

Kön’yaq Koreya isä watandaşların êvakuaŝiyaläw öçen Cibutiğa xärbi berlek cibäräçägen belderde.