Paqıstan İzrail belän diplomatik mönäsäbätlär urnaştırğanmı?

Paqıstan tışqı êşlär ministrlığı süzçese Mümtaz Zähra Bäluç “Geo News” televideniyäsenä yasağan belderüendä İzrail belän diplomatik yäki säwdä mönäsäbätläreneñ urnaştırıluı turındağı raslawlar belän bäyle bularaq: “Säyäsätebezdä üzgäreş yuq,” – dide.

Säwdä ministrlığı süzçelegennän yasalğan belderüdä dä, Paqıstan belän İzrail arasında säwdäneñ başlanıluına qağılışlı raslawlarnıñ propaganda buluına basım yasalıp: “Bezneñ İzrail belän säwdä êlemtälärebez yuq häm monı başlaw niyätebez dä yuq,” – dip äytelde.

Amerikan yähüd komitetı (AJC) 30nçı martta yasağan belderüendä Paqıstan belän İzrail arasında säwdäneñ başlanuın häm Paqıstannan azıq-tölek êşlänmäläre töyälgän berençe köymäneñ İzrailğa barıp citüen alğa sörgän ide.