Käxwä êçüçelär kübräk yöri

Kön sayın kimendä ber çınayaq käxwä êçü tağın da kübräk xäräkät itügä êtärä häm azraq yoqlawğa da säbäpçe bula.

CNNda urın alğan xäbärgä qarağanda, Amerika Quşma Ştatlarında uzdırılğan soñğı tikşerenülär älege êçemlekne qullanunıñ uñay häm tiskäre yaqların açıqlıy.

Belgeçlär Kaliforniya ştatınıñ San-Franśisko töbägendä urtaça 39 yäş’täge 100 sälamät keşene küzätä. Alarğa yasağan adımnarı häm yoqını xisaplap baruçı cihazlar belän qandağı şikär häm yöräk ritmnarın kontrol’dä totuçı êlektrokardiogramma berketelä.  

Här qatnaşuçığa 2 kön buyı telägän qadär käxwä êçärgä, annarı ike kön buyı êçmäskä häm monı 2 atna buyı qabatlap torırğa quşıla. Alarnıñ käxwä êçkän könne, êçmägäne belän çağıştırğanda, urtaça 1058 adım kübräk yasawı kürenä. Tik şul uq waqıtta qatnaşuçılar älege könnärdä 36 minutqa äzräk yoqlıy.