"Qor’än-i Kärimne mısqıllawçı illärne boykot itü zarur"

Aljirnıñ Möselman ğalimnäre berlege başlığı Abdulrezzak Kassum Qor’än-i Kärimgä qarata başqarılğan höcümnärne ğayepläwneñ citärle bulmawın, bu çirqanıç höcümnärgä röxsät birgän illärne säyäsi, iqtisadi häm mädäni yaqtan boykot itü zarurlığın äytte.

Kassum Niderland häm Şveŝiyadä Qor’än-i Kärimgä höcümnär belän bäyle açıqlaw yasadı.

“Bez Bibliya yäisä başqa izge kitapnı yandıru yaqlı tügel. Läkin iqtisadi, säyäsi häm mädäni boykot yaqlı. Bu bezneñ xaqqıbız häm monı başqarırğa tiyeş bez,” – dide ul.

Niderland häm Şveŝiya belän mönäsäbätlärne özüneñ ideal’ reakŝiya buluın äytkän Kassum kim digändä başqarılğannar öçen ğafu ütengängä qadär kiläçäkkä qarağan kileşülärne tuñdıru häm xezmättäşleklärne çikläw kiräklegen citkerde.