Şri-Lanka ğaskäri köçen kimetä

Şri-Lanka xäzerge waqıtta kiçerüçe iñ awır iq’tisadi krizis säbäple saqlanuğa çığımnarın kimetäçägen häm 2024nçe yılğa qadär ğaskärlär sanın azaytaçağın xäbär itte. 

Saqlanu ministrı urınbasarı Premitxa Bandara Tennakun beldergänçä, 2024nçe yılğa qadär ğaskäri sanın 200 meñ 783tän 135 meñgä qadär kimetergä planlaştıralar. Ul töp maqsatnıñ 2030nçı yılğa qadär texnik häm taktik yaqtan nıq, balanslı saqlanu köçe barlıqqa kiterü buluın äytte.

Şri-Lankanıñ tulayım tışqı burıçı 51 milliard dollardan artıp kitte. İl uzğan yıl tülänergä tiyeşle 1 milliard dollarlıq burıçına defolt iğ’lan itte.

Tarixındağı iñ awır iq’tisadi krizis kiçerüçe Şri-Lanka uzğan yıl Xalıqara valyuta fondı belän söyläşülär näticäsendä 2,9 milliard dollarlıq kredit kileşüe tözede.