AQŞ Okinavada ğaskär urnaştıraçaq
Yaponiyäneñ iñ kön’yaq-könbatışında urnaşqan utraw-töbäk raketa sınawların arttırğan Tön’yaq Koreya belän regionda yoğıntısın köçäytüçe Qıtayğa qarşı strategik ähämiyätkä iyä
AQŞ Yaponiyäneñ kön’yaq-könbatışındağı yıraq utrawların saqlaw öçen Okinava töbägenä diñgez pexotası berlekläre sostavındağı maxsus xäräkät köçlären urnaştıraçaq.
Kyodo agentlığınıñ Yaponiyä häm AQŞ diplomatik çığanaqlarına tayanuçı xäbärenä qarağanda, ike däwlät regional’ yanawlardan saqlanu xezmättäşlegen arttırırğa uylıy. Älege nisbättän Tayvan’ buğazı tiräsendäge utraw-töbäk Okinavağa östämä köçlär cibärelä. AQŞnıñ diñgez pexotasına qarawçı berleklär Yaponiyäneñ üz-üzen yaqlaw mömkinleklärenä yärdämçe bulaçaq. Anda yaqınça 2 meñ ğaskärineñ urnaştırılaçağı häm alarnıñ küçü mömkinlege bulacağı citkerelä. Bu köçlär Yaponiyägä doşman höcüm itkändä utrawlarnı saqlawğa öleş kertäçäk.
Berlekneñ qayçan kitereläçäge turında mäğ’lümat birelmi.
Yaponiyäneñ iñ kön’yaq-könbatışında urnaşqan utraw-töbäk raketa sınawların arttırğan Tön’yaq Koreya belän regionda yoğıntısın köçäytüçe Qıtayğa qarşı strategik ähämiyätkä iyä.
