Prinś Garri abıysın ğayepli
“The Guardian” gazetı prinś Garrinıñ 10nçı ğıynvarda satuğa çığuı kötelüçe "Spare" dip ataluçı kitabınıñ qayber büleklären bastırdı
Angliyä patşa ğailäsennän ayırılıp Amerika Quşma Ştatlarına barıp urnaşqan Sasseks gerśogı prinś Garri abıysı Uil’yamnıñ üzenä qarata fizik köç qullanuın alğa sörä.
“The Guardian” gazetı prinś Garrinıñ 10nçı ğıynvarda satuğa çığuı kötelüçe "Spare" dip ataluçı kitabınıñ qayber büleklären bastırdı. Anda ul üzeneñ Megan Marklğa öylänüennän soñ abıysı belän aralarınıñ bozıluın äytä. Xätta Uil’yam ênesenä fizik höcüm yasawı alğa sörelä. “Uil’yam mine yaqamnan êläkterde, muyınsamnı yolqıp attı häm mine cirgä yıqtı” dip yaza ul ike aradağı bäreleşne.
Prinś Garri küptän tügel ğailäse belän duslaşırğa teläwen beldergän ide. Angliyä matbuğatı yazğança, prinś mondıy mömkinlekne yuğalttı.
Prinś Garrinıñ “spare” dip isemlängän kitabınıñ satuğa çığuın qızıqsınıp kötälär.
