Demonstrantlar qulğa alındı

Sri-Lankada iq’tisadnıñ naçar idarä itelüe sıltawı belän däwlät başlığı Gotabaya Radjapaksanıñ wazıyfasınnan kitüen taläp itep ilbaşı apparatı binasınıñ kerü yulın yapqan 21 keşe qulğa alındı.

Cirle matbuğattağı xäbärlärgä qarağanda, poliśiyä berse finans ministrlığına iltüçe ike noqtanı yapqan demonstrantlarğa qarşılıq kürsätä. Qulğa alınğan 21 keşeneñ 4se xatın-qız. Poliśiyädä soraw alu uzdırğannan soñ alar mäxkämä qarşına çığaçaq.

İq’tisadi krizis öçen Radjapaksa häm xökümätne ğayepläwçe xalıq 9nçı dekabr’dän birle ilbaşı apparatı binası yanında rizasızlıq çarası uzdıra.

Wäqalätlelär äytüençä, Xalıqara valyuta fondınnan delegaśiyä ilneñ finans ministrlığına kilergä tiyeş. Cirlekne şuña kürä demonstrantlardan çistartqannar. Xalıqara valyuta fondı delegaśiyäse Şri-Lankağa kredit kileşüe öçen kilgän. Alarnıñ biredä 10 kön bulacağı belderelä. Şri-Lanka xökümäte fondtan 4-5 milliard dollarlıq kredit yärdäme sorıy. Bu xaqtağı söyläşülär aprel’dä başlandı.