"Serle" gepatit virusı Yaponiyädä dä kürende

Yaponiyädä 1 keşedä yoqtıru çığanağı bilgesez bulğan “serle” gepatit virusı açıqlandı.

Cirle matbuğattağı xäbärlärgä qarağanda, ilneñ sälamätlek saqlaw ministrlığı 16 yäşennän keçkenä balada bawır yalqınsınuı oçrağın rasladı. Anıñ bilgeläre Bötendön’ya sälamätlek saqlaw oyışması bu ayda açıqlağan “gepatit virusı” bilgelämäsenä turı kilä.

Awırunıñ yäşe, torğan urını häm cenese belderelmi. Anıñ karantinğa alınuı citkerelä.

Sälamätlek saqlaw, xezmät häm üseş ministrı Goto Şigeyuki il külämendä balalar arasında yoqtıru oçraqları artuı küzätelmäwen xäbär itä. Ul ber tördäge simptomnar oçramawı öçen xalıqqa maxsus kisätü yasıy almawların da äytä. Goto dön’yadağı oxşaş oçraqlarnı tikşeräçäklären belderde.

Bötendön’ya sälamätlek saqlaw oyışması Angliyädä 74 balada säbäbe bilgesez gepatit virusı açıqlawların citkergän ide. Kiçä yasalğan belderüdä anıñ 11 ilgä taraluı häm kimendä 169 balağa yoğuı turında mäğ’lümat birelä.