Tön’yaq häm Kön’yaq Koreya liderları xat alıştı

Tön’yaq Koreya üzäk xäbär agentlığı (KCNA) citkergän yazmada Kimneñ xatında wazıyfası däwerendä taraflar arasında tınıçlıq urnaştırıluına qağılışlı kereşüläre öçen Moonnı täq’dir itüe iskärtelep uzılıp, Moonnıñ Kimgä cibärgän xatında kiläse ayda wazıyfadan kitkännän soñ da xätta "Koreyanıñ yañadan berläşüe” öçen êşlärgä däwam itäçägenä basım yasawı belderelde.

Xäbärdä Kim häm Moonnıñ Tön’yaq häm Kön’yaq “ömet belän armıy-talmıy tırışqan oçraqta koreyalılar arasında mönäsäbätlärneñ ike il xalqı telägäne kebek üseş alaçağı” qaraşı citkerelde.

Moonnıñ ofisınnan yasalğan belderüdä dä, xat raslanıp, ike il arasındağı atom-töş söyläşüläreneñ däwam itelüenä qarata ömetlärneñ urtaqlaşıluına basım yasaldı.

Belderüdä ayıruça taraflar arasında 2018nçe yılda ütkärelgän tınıçlıq söyläşüläreneñ kiläçäktäge xezmättäşlek öçen nigez bularaq ğamäldä bulaçağına iğ’tibar yünältelüe äytelde.

İke il mönäsäbätlärendä soñğı waqıtta Tön’yaq Koreyanıñ “yaña tör” qıytğalarara ballistik raketa belän bergä törle raketa sınawları arqasında kiyırenkelek arttı.

Kön’yaq Koreya saqlanu ministrı Suh Wook 1nçe aprel’dä Tön’yaq Koreyanıñ ilenä raketa ırğıtunı niyätläwe bilgelängän oçraqta tön’yaqqa höcüm başlatu köçenä häm äzerlegenä iyä buluların beldergän ide.

Berläşkän Millätlär Oyışması Ğomum särkätibe Antonio Guterreş qıytğalarara ballistik raketa sınawınıñ BMO İminlek Şurası qararların "açıqtan-açıq bozuın”a basım yasağan ide.

Bel’giya başqalası Bryussel’däge G7 liderlar sammitı qısalarında küreşkän Amerika Quşma Ştatları İlbaşı Djo Bayden häm Yaponiya Baş ministrı Kişida Fumio sınawnı gäyıplägän ide.

Baydennıñ oçraşu waqıtında ileneñ Yaponiyanıñ häm Kön’yaq Koreyanıñ “iminlegenä qaqşamas yaqlawı”na basım yasawı belderelgän ide.