Daniya vakśina qadawnı tuqtata
İl xökümäte koronavirusnıñ barlıq çikläwlären betergän ide inde
Daniyä milli sälamätlek saqlaw oyışması koronavirustan vakśinaśiyäläw programmasın yaz köne tuqtataçağın belderde. Monıñ ildä vakśina yasaw däräcäseneñ yuğarı buluı häm Kovid-19nıñ öçençe dulqınınıñ xalıqnıñ zur öleşendä virusqa qarşı immunitet barlıqqa kiterüe belän bäylilär.
Belderüdä äytelgänçä, uzğan atnada yoqtıru oçraqları iñ yuğarı däräcäsenä citkän. “Awırtunıñ kiregä borılıp kimügä taba baruına işarälär bik köçle. Şul säbäple Kovid-19nıñ 3nçe dozasın 18 yäş’tän keçkenälärgä qadawnı kiñäş itmibez. Qartlar yortında yäşäwçe häm 85 yäş’tän ölkännär öçen dä 4nçe doza qadaw kiräkmi,”-di belgeçlär.
Daniyä xökümäte Kovid-19nı kritik awıru kategoriyäsennän çığardı häm 1nçe fevral’dän barlıq çikläwlärne beterde.
Milli sälamätlek saqlaw oyışması mäğ’lümatlarına qarağanda, Daniyädä koronavirus arqasında 3 meñ 977 keşe ülde. Yoqtıru oçraqları 2 million 196 meñ 550dän artıq.
