Kumbre - V’yexa yanartawı sünäme?
Räsmi zatlar vulkandağı seysmik êşçänlekneň täwge tapqır kön buyı tuqtawın belderä
İspaniyäneñ kön’yaq-könbatışında Kanar utrawları törkemendäge La Pal’mada 19 nçı sentyabr’dän birle aktiv bulğan Kumbre - V’yexa yanartawında seysmik êşçänlek täwge tapqır kön buyı tuqtağan.
Kanar utrawları vulkan qurqınıçları öçen köräş häm tınıç xalıqnı yaqlaw buyınça maxsus planlaştıru oyışması räsmiläre vulkandağı şartlawlar häm lava ağımınıň tuqtawın, gaz çığaru häm cirteträwlärdä zur kimü küzätelüen belderä.
Belgeçlär Kumbre - V’yexanıň sünü êtabına kerüen, xäzerge mäğ’lümatlar 1 atna saqlansa, vulkannıň sünüeneň açıqlanaçağın citkerä.
85 kön aktiv bulğan Kumbre - V’yexa yanartawı 12 nçe dekabr’dä utraw tarixında xäzergä qadär iň ozaq waqıt aktiv qalğan yanartaw bularaq terkälde.
Ul 94 million kub metrdan artıq lava atıp çığardı.
Yanartawdan çıqqan lavalar 2 meñ 896 toraq binanı yuq itte, 150 binağa öleşçä zarar birde.
Lavalar cirlektäge 1182 gektar mäydannı qapladı, diñgezgä aqqan urında 48 gektar mäydanlı platforma barlıqqa kiterde.
Töbäktä 6 meňgä yaqın keşene êvakuaśiyälädelär, vulkan utraw iq’tisadına 840 million yevrodan kübräk zıyan kiterde.
