Yaponiya Äfğanstanğa 190 million dollar cibärä
Monı ilneñ xökümät räise Fumio Kişida onlayn uzdırılğan G20 cıyılışında äytte
Yaponiyäneñ Äfğanstanğa yaqınça 190 million dollarlıq gumanitar yärdäm cibäräçäge belderelde. Monı ilneñ xökümät räise Fumio Kişida onlayn uzdırılğan G20 cıyılışında äytte. Ul fondnıñ yıl axırına qadär xalıqara oyışmalar yärdämendä Äfğanstanğa bireläçägen, maqsatlarınıñ äfğan xalqına yanawçı gumanitar krizisnı ciñeläytü buluın söyläde.
Kişida uzğan comğa könne Kunduzda ber mäçettä bulğan bombalı höcümne dä ğayepläde. Ul xalıqara cämäğat’çelekneñ urtaq probleması bulğan terrorçılıq belän köräşne xezmättäşlär belän bergä tizländerergä süz birde.
Yaponiyä xökümäte räise Talibannıñ inklyuziv säyäsi prośess alıp baruınıñ ilne qabat torızu öçen kiräkle keşe resursları, aqçalar häm yärdämne kire kiteräçägen citkerde. Bilgele bulğança, Taliban idaräsennän yasalğan belderülärdä keşe xoquqlarınıñ xörmät iteläçäge häm xalıqara cämäğat’çelek belän yaxşı mönäsäbätlär tözeläçäge äytelde.
Bäyläneşle xäbärlär
Êsselektän saylaw xezmätkärläre ülde
Hindstanda çiktän tış êsselek ğomumi saylawlarğa da täêsir itte
Awstraliyadä graffiti belän protest
Awstraliyaneñ Yaña Kön’yaq Uêl’s prem’yer-ministrı ofisına cinayät’ süze yazılğan