Qıtlıq yanıy

Şri-Lankada koronavirusnıñ taraluına çik quyu öçen qatğıy karantin çaraları kertelgän arada azıq-tölek belän qıyınlıqlar kilep tudı. İl matbuğatındağı xäbärlärgä qarağanda, däwlät kibetlärendäge kiştälär zur tizlek belän buşıy. Qayberläre inde küptän buş tora. Çittän kertelä torğan qorı söt, yarma şikelle azıq-tölek betü aldında.

Şri-Lanka xökümäte isä qıtlıq buluın kire qağa häm media oyışmaların wäzğıyät’ne küpertep, qurqunı arttıruda ğayepli. Däwlät başlığı Gotabaya Rajapaksa ildä soñğı atnalarda bulğan qıtlıqtan soñ 30nçı avgustta ğadättän tış xäl iğ’lan itte. Şri-Lanka parlamentı azıq-tölek bäyälären kontrol’dä totu häm qayber rizıqnı cıyıp quyunı kirtäläw öçen kertelüçe bu çaranı xupladı. Oppoziśiyädäge xalıq ışanıçlıları ğadättän tış xäl kertüneñ kiräk bulmawın, azıq-tölekkä ireşüneñ başqa yullar belän dä täêmin itelä aluın belderde.