Törmädä fetnä

Şri-Lankanıñ Könbatış ştatında yuğarı iminlekle törmädä fetnä çıqtı. Anda 8 mäxkümneñ ğomere özelde, 45 keşe yaralandı.

Poliśiyä idaräse wäkile Ajitx Roxana beldergänçä, älege törmä başqala Kolomboğa 15 çaqrım yıraqlıqta ğına. Anda mäxkümnär başta ığı-zığı kiterep çığara, ul soñınnan baş kütärügä äwerelä.

Törmädä utıruçılar kontrol’ne üz qullarına alırğa mataşa. Yözlägän mäxküm qaçu yağın qarıy. Saqçılar wäzğıyät’ne üz qullarına alu öçen ut açarğa mäcbür bula.

Maxara - ildäge iñ zur törmälärneñ berse. Waqıyğada 8 mäxküm ülä, 45 keşe yaralana. Roxana äytüençä, qayber mäxkümnär häm 2 saqçınıñ xäle awır. Törmägä yözlärçä östämä iminlek köçe kiterelgän häm saq arttırılğan.

Cirle mediadağı xäbärlärgä qarağanda, mäxkümnär törmädä Kovid-19 belän awıruçılarnıñ sanınıñ artuına rizasızlıq belderä. Alar zalog belän irtä çığarunı häm tağın da yaxşı şartlar tudırıluın taläp itä.  

Şri-Lankanıñ törle şähärlärendäge 5 törmädä koronavirustan kimendä 2 mäxkümneñ ülüen, meñnän artığınıñ çirläwen belderälär.