Yaponiyäneñ yaña xökümät räise kem bulaçaq?

Yaponiyädä uzğan atnada wazıyfasınnan kitkän Abe Şinzonıñ urınına kiläçäk yaña xökümät räiseneñ 17nçe sentyabr’dä uzarğa tiyeşle çirattan tış parlament utırışında saylanuı kötelä.

İlneñ däwlät mediası NHKnıñ xäbärenä qarağanda, xakimiyättäge Liberal’-demokratik partiyäneñ irtägä uzaçaq ğomum şurasında yaña xökümät räiseneñ qayçan bilgelänäçäge belän bäyle datanı qarayaçaqlar. Firqa 13nçe-15nçe sentyabr’ arasında kandidatlar yarışına näticä çığarıp, 17nçe sentyabr’dä deputatlarnı utırışqa cıyılırğa çaqıraçaq.

Kandidatlar yarışında LDP säyäsi tikşerenülär şurası räise häm êlekkege tışqı êşlär ministrı Kişida Fumio belän LDPnıñ êlekkege ğomum särqatibe häm êlekkege saqlanu ministrı İşibu Şigeru urın alaçaq.

Kyodo agentlığınıñ xäbärenä qarağanda, yarışqa ministrlar kabinetınıñ baş sekretare Suga Yoşixidenıñ da kertelüe farazlana.  

Abe Şinzo, soñğı mediśina tikşerenülärennän soñ, çireneñ qabat quzğaluın häm terelügä garantiyä bulmawın belderde. Ul 7 yıl 8 ay başqarğan wazıyfasınnan kitärgä qarar qıldı.