Pentagonğa ağulı paket cibärgännär
Anıñ êçendä köçle toksik matdä riśin buluın farazlıylar
1061150
Amerika Quşma Ştatlarınıñ saqlanu ministrlığı Pentagonğa ağu quyılğan paketlar kilgän. Räsmi oyışmanıñ süzçese Rob Manniñ beldergänçä, şöbhäle matdäne düşämbe könge poçtanı maxsus cihazlar belän tikşerü waqıtında kürep alğannar. Konvertlar analiz öçen Federal’ tikşerenü byürosına (FBİ) cibärelgän. Ul könne AQŞ poçta xezmäte aşa Pentagonga kilgän barlıq konvert häm qaplar karantinğa alınğan.
Ber Pentagon wäkile söbhäle matdä salınğan konvertlarnıñ 2 buluın belderep: “Täwge analizlar paketlarda riśin ağuı buluına uñay näticä birde,”-dide.
