Êvakuaśiya êşçänlekläre tämam
Könçığış Xälebtän soñğı konvoy çıqqan
Süriyädä Bäşar Äsäd rejimı häm rejim yaqlı çit il terrorçıları qamawındağı könçığış Xälebtän häm oppoziśiyaçellärneñ qamawındağı Fua häm Kefreya rayonnarınnan ike yaqlı êvakuaśiya êşçänlekläre axırına yaqınlaşqan.
Könçığış Xälebtän kübesendä qorallı oppoziśiyaçellär utırğan 5 avtobus häm 30 transport çarasınnan toruçı soñğı konvoy çıqqan.
Ramusedäge rejimnıñ kontrol’ urınınnan quzğalğan yaqınça meñ keşelek konvoy Xälebneñ könbatışında oppoziśiyaçellär kontrolendäge Raşidin töbägenä yünälgän.
Xälebtän pänceşämbe könne 10 avtobus häm 420 şäxsi transport çarası bulğan konvoy belän yaqınça 3 meñ 500 keşe şähärdän küçerelgän.
İdlibtä oppoziśiyaçellär qamawı astında bulğan Fua häm Kefreya rayonnarınnan yaqınça 250 keşe dä Xälebneñ könbatışındağı rejim töbäklärenä barıp citkän.
Xalıqnı küçerü êşe başlağan 15nçe dekabr’ pänceşämbe könennän bügengä qadär Xälebtän 45 meñ tiräse tınıç xalıq häm oppoziśiyaçel yözlärçä avtobus häm meñnärçä xärbi bulmağan transport çarasına utırıp, Xälebtän çıqtı.
