اردوغان : له عراق څخه زمونږ غوښتنه د پ ک ک ترهګره ډله د ترهګریز سازمان په توګه اعلانول دي

د تورکیې ولسمشر رجب طیب اردوغان ویلي دي چې دوی له عراقه تمه لري چې د ( پ ک ک )  ترهګره ډله  په هیواد کې د ترهګریز سازمان په توګه اعلان کړي.

ولسمشر اردوغان دا څرګندونې تیره شپه  د کابینې د غونډې نه وروسته وکړې.

اردوغان ټینګار وکړ چې له دیارلس کلنې ځنډ وروسته تیره میاشت عراق ته د ده سفر د پایلو او پیغامونو له لحاظه تاریخي ارزښت لري.

ولسمشر اردوغان وویل چې  د عراق د حکومت له خوا  د  ( پ ک ک )  ترهګرې ډله د یوه منع شوي سازمان په توګه اعلانول یو مهم ګام دی ، خو "موږ  عراقي پلو ته  دا هم وویل چې موږ تمه لرو چې  د  ( پ ک ک )  ترهګره ډله  د  یو ترهګریز سازمان په توګه  اعلان کړي. هیڅ دولت نشي کولی دا ډول ګواښ له پامه وغورځوي. موږ به په راتلونکي وخت کې د ( پ ک ک )  ترهګریزسازمان پر وړاندې یو جدي ګام اوچت کړو. "موږ به د هر هغه لازم ګام اوچتولو څخه ډډه ونکړو چې اړین وي."

اردوغان همداراز له ترهګرۍ سره د مبارزې په برخه کې پر عزم ټینګار وکړ.

" مونږ به په سوریه کې هم خپل  نیمګړی کار بشپړ کړو چې زموږ د متحدینو لخوا د ورکړل شوو ژمنو د نه پر ځای کولو  له امله نیمګړی پاتې شوی و. موږ به د وخت او ساعت د رارسیدو د ( پ ک ک )  او نورو ترهګرو سازمانونو پر خلاف لازم ګامونه اوچت کړو . مونږ په عراق او سوریه کې  ددې ترهګرې ډلې پر خلاف د اوچتو کړو ګامونو سره د هغوې د حرکت ساحه مو ښه تنګه کړې ده او انشاالله چې په بشپړه توګه ددې ترهګرو د لمنځه وړو لپاره به وروستی ګوزار هم ورکړو. "