په تورکیه کې نن سیمه ایزې اداري او ښاروالۍ ټاکنې ترسره کیږي.

په تورکیه کې نن سیمه ایزې اداري او ښاروالۍ ټاکنې ترسره کیږي.

په ټول هیواد کې د رای اچونې بهیر پيل شو.

په دغو ټاکنو کې چې څه باندې ۶۱ میلیونه ۴۴۱ زره واجد د شراېطو رای ورکوونکي به رایه ورکړي، خپلواک نوماندان او همدارنګه د ۳۴ سیاسي ګوندونو نوماندان به سیالي وکړي.

په ټول هیواد کې څه باندې ۲۰۶ زره د رایو صندوقونه ایښودل شوي‌ دي.

په سیمه ایزو  ټاکنو کې  د ۳۰ لویو ښارونو، ۵۱ ولایتونو، ۹۷۳ ولسوالیو او ۳۹۰ علاقه داریو  ښاروالان او ۵۰ زره ۳۳۶ د ګذر وکیلان  ټاکل کېږي.

د ولایتي شوراګانو او د ښاروالۍ د شوراګانو غړي‌ هم پدې ټاکنو کې ټاکل کیږي.

د تورکیې د ټاکنو عالي شورا  د پریکړې سره سم  د موسمي شرایطو او د لمر لوېدو وخت په پام  کې نیولو سره په ۳۲ ختیځو ولایتونو کې د رایې اچونې بهیر یو ساعت مخکې پيل او یو ساعت مخکې به پایته ورسیږي.

په دې ترتیب به په ۳۲ ولایتونو کې رایه اچونه د تورکیې په ځايي وخت د سهار په ۷ بجو پیل  شو او  د مازیګر په ۴  بجو به پای  ته ورسیږي.

د دې ولایتونو څخه بهر په نورو ځایونو کې د رای ورکولو بهیر  د سهار په ۸ بجو پيل او د مازیګر په ۵ بجو به پایته ورسیږي.

د رای ورکولو د بهیر د پایته رسیدو نه وروسته به د رایو په شمیرنې پيل وشي.