د ټي آر ټي رئیس :مونږ د نړۍ د مظلومانو غږ  د ټولې نړۍ غوږونو ته رسولی دی.

د توركيې د ملي راډيو او ټلويزيون عمومي رئیس محمد زاهد سوباجي وويل، دوى د " پیاوړو  نشراتو، پياوړې اغېزې" د لید لوري سره  د مظلومانو غږ  د ټولې نړۍ غوږونو ته رسولی دی.

سوباجي، د "ټي آر ټي ورلډ فورم ۲۰۲۳" په پرانیست وینا کې وویل چې سږکال په استانبول کې د اووم ځل لپاره د "ګډې ودې، مسؤلیتونه، کړنې او حلونه" تر عنوان لاندې د دوه ورځو لپاره جوړه شوه. هغه وويل چې په دې فورم کې به د سيمې او نړۍ پر مسايلو ژور بحث وشي او د حل لارې چارې به ورته ولټول شي.

سوباجي په دې باندې په ټینګار سره چې اسرائیل د اکتوبر له اوومې راهیسې په غزه کې نسل وژنه کوي، یادونه وکړه چې د دې شاهدان دي چې نړیوالې رسنۍ هڅه کوي دغه قتل عام ته مشروعیت ورکړي.

سوباجي وویل چې د تورکیې د ملي راډیو تلویزیون په توګه، دوی د عادلانه اصولو سره سم نشرات کوي، پرته له دې چې د قوي او ضعیف ترمنځ توپیر وکړي.

د تورکیې د ملي راډیو تلویزیون رئیس  وویل چې ټي آر ټي  خپل هدف ته لومړیتوب ورکوي ترڅو د میلیاردونو خلکو غږ وي چې د ملي او نړیوالو چینلونو او ډیجیټل پلیټ فارمونو سره په نړۍ کې له پامه غورځول شوي.

هغه وویل چې د  " پیاوړو  نشراتو، پياوړې اغېزې" د لید لوري سره  د مظلومانو غږ  د ټولې نړۍ غوږونو ته رسولی دی.

ځکه چې موږ فکر کوو چې اوس د نړۍ په ذهنونو کې د بندیزونو د پورته کولو وخت دی. نن ورځ د ډیرو هیوادونو خلک د غزې د حقایقو د زده کولو لپاره د ټي آر ټي او د تورکیې خپرونې تعقیبوي.» «هغه با احساسه خلک چې نه غواړي د تاریخ په توره پاڼه کې برخه واخلي، د تورکیې له غږ او دریځ څخه پیاوړی ملاتړ کوي.»