ولسمشر اردوغان : د ترکیې جمهوري دولت بڼسټ پر اتحاد او ورورولۍ ایښودل شوی دی
ولسمشر اردوغان د اپریل ۲۳مه د ملي حاکمیت او ماشوم د اختر په مناسبت هیوادوالو ته په خطاب کې وینا وکړه
د ترکیې ولسمشر رجب طیب اردوغان وویل چې د ترکیې جمهوري دولت د اتحاد، یووالي، ورورولۍ او همغږۍ پر بڼسټ جوړ شوی هیواد دی.
ولسمشر رجب طیب اردوغان د اپریل ۲۳ مه د ترکېې د ملي حاکمیت او ماشوم د اختر او ملي شورا د سلمې کلیزې په مناسبت د ملت په خطاب وینا وکړه.
ولسمشر اردوغان خپله وینا د ترکیې جمهوریت د موسس غازي مصطفی کمال اتاترک او ټولو شهیدانو او غازیانو ته د الله د دربار څخه د مغفرت او رحمت په غوښتنه پیل کړه.
هغه وویل چې د غازي مصطفی کمال اتاترک او ټولو شهیدانو او غازیانو نه په منت او درناوي سره یادونه کوو.
" د ترکیې ملي شورا د نن نه یوه پیړۍ مخکې په پلازمینه انقره پداسې حال کې پرانیسل شوه چې وطن د اشغال لاندې قرار درلود خو ملي شورا زمونږ د ملت او دولت لپاره د ازادۍ او خپلواکۍ د مبارزې یو مهم مرکز وو.
د ترکیې جمهوري دولت بڼسټ په اتحاد، یووالي، ورورولۍ او همغږۍ ایښودل شوی دی. د اپریل ۲۳ مه په ترکیه کې د دیموکراسۍ، ملي ارادې او د ملت د حاکمیت یو ډیر مهم سمبول دی."
همداشان ولسمشر اردوغان وویل چې د اپریل ۲۳ مه د ترک ملت لخوا خپلو اولادونو د ورکړي ارزښت او اهمیت او پر ځوانانو د پوره باور کولو یوه ښکاره بیلګه ده.
ولسمشر اردوغان همداشان ترک ملت او ټول عالم اسلام ته د روژې د مبارکې میاشتې د رارسیدو له امله مبارکي وویله. هغه وویل چې نن شپه به ترک ملت او ټول عالم اسلام لومړنۍ تراویح لمونځ ادا کوي او لومړنی پیشلمی به کوي.
د ویلو ده چې سږ کال د کرونا ویروس د تدابیرو په چوکاټ کې په ترکیه کې د اپریل ۲۳ مه د ملي حاکمیت او ماشوم اختر پرته د شاندارو مراسمو ولمانځل شوه. خو سږ کال بیا د د شپې په ۹ بجو د ولسمشر اردوغان په ګډون د هیواد څه باندې ۸۳ میلیونو وګړو د خپلو کورونو د بالکونو او باغچو نه په یو غږ په ګډه سره د هیواد ملي سرود ووایه.
اړوند خبرونه
ولسمشر اردوغان د مې ۲۹ مه د استانبول د فتحې د ۵۷۱ مې کلیزې په مناسبت مبارکۍ پیغام خپور کړ.
د تورکیې ولسمشر رجب طیب اردوغان وویل چې د استانبول فتحه د تاریخ له سترو بریاوو څخه وه.
