په ترکیه کې د ماشومانو نفوس اعلان شو.
ترکیه په اروپا کې د ماشومانو د نفوس له پلوه تر ټولو د لوړ نفوس خاوند هیواد دی
د ترکیې د احصایې ادارې د ۲۰۱۹ میلادي کال تر وروستۍ ورځ په ترکیه کې د ماشومانو د نفوس ارقام خپاره کړل.
د خپرو شوو شمیرو له مخې د ترکیې د نفوس ۲۷ نقطه ۵ سلنه ماشومان تشکیلوي.
د احصایې ادارې ویلي دي چې د ۲۰۱۹ میلادي کال تر وروستۍ ورځ د ترکیې نفوس ۸۳ میلیونه ۱۵۴ زره او ۹۹۷ تنه وو چې ۲۲ میلیونه ۸۷۶ زره او ۷۹۸ تنه يي ماشومان دي.
د ملګروملتونو سازمان پریکړې په اساس د صفر او ۱۷ کلونو ترمنځه ماشومان شمیرل کیږي.
د ویلو ده چې د اروپايي ټولنې د احصایې د شمیرو له مخې بیا د ټولنې د غړیو اروپايي هیوادونو د نفوس ۱۸ نقطه ۶ ماشومان دي.
اروپايي ټولنې غړیو هیوادونو په منځ کې د ماشومانو له پلوه تر ټولو د لوړ نفوس خاوند هیواد ایرلنډ دی. په ایرلنډ کې د ماشومانو نفوس ۲۴ نقطه ۵ سلنه دی. همداشان فرانسه بیا د ۲۱ نقطه ۷ سلنې سره په دویم کتار کې او انګلستان او سویډن بیا د ۲۱ نقطه ۱ سلنې سره په دریم کې کتار کې ځای لري.
په اروپايي ټولنې په غړیو هیوادونو کې د ماشومانو تر ټولو د ټیټ نفوس خاوند هیواد ایټالیا دی. په ایټالیا کې د ماشومانو نفوس ۱۶ سلنه دی. همداشان مالتا بیا د ماشومانو د ټیټ نفوس له پلوه د ۱۶ نقطه ۲ سلنې په دویم او جرمني د ۱۶ نقطه ۴ سلنې سره په دریم کتار کې ځای لري.
اړوند خبرونه
ولسمشر اردوغان د مې ۲۹ مه د استانبول د فتحې د ۵۷۱ مې کلیزې په مناسبت مبارکۍ پیغام خپور کړ.
د تورکیې ولسمشر رجب طیب اردوغان وویل چې د استانبول فتحه د تاریخ له سترو بریاوو څخه وه.