چين افغانستان ته نظامي تجهيزات وركړل

دا تجهيزات چې د يوې بار وړونكې الوتكې په واسطه كابل ته را ورسېدل، د چين د سفير لخوا د افغانستان د ملي امنيت د شورا سلاكار محمد حنيف اتمر ته تسليم شول.

ويل كيږي چې په دې تجهيزاتو كې نقليه وسايط وسلې او مهمات شامل دي چې افغان امنيتي ځواكونو ته وركړل شي.

د چين د وسله والو ځواكونو لوى درستيز فانګ فينګاو پخوا ويلي ول چې د افغانستان سره به د ۷۰ ميليونو ډالرو په ارزښت نظامي مرسته وكړي. نوموړي تېره مياشت له كابله د ليدنې پر مهال څرګنده كړې وه چې هېواد به د افغان امنيتي ځواكونو په تجهيز كې مرسته وكړي.