امریکا پر ناروې د ۱ میلیارد ۱۶۶ میلیونه ډالرو پوځي وسلو پلور منظور کړ.

د امریکا متحده ایالتونو د بهرنیو چارو وزارت پر ناروې د ۱ میلیارد ۱۶۶ میلیونه ډالرو پوځي پلور منظور کړ.

د امریکا د دفاعي امنیتي همکارۍ ادارې لخوا په خپور شوي  بیان کې راغلي "د بهرنیو چارو وزارت ناروې ته د یو میلیارد ډالرو اټکل شوي ارزښت سره د MH-60R څو مقصدي هلیکوپټرو او اړوندو تجهیزاتو پلور تصویب کړ."

په بیان کې، چې ویل شوي د پلور تصویب په اړه کانګریس ته خبر ورکړ شوی دی، د پلور کڅوړه کې ۶  MH-60R  ډوله هیلیکوپترونه، ۱۵  T-700 GE-401C انجنونه، ۹ لینک ۱۶ ملټي فنکشنل د معلوماتو ویشلو سیسټم ګډ تاکتیکي بیسیم ټرمینل، ۱۸ GPS/PPS سیسټمونه او د هغوی د ملاتړ تجهیزات پکې شامل دي.

د دغې ادارې له خوا په یوه بله خپره شوې خبرپاڼه کې ویل شوي چې  د ناروې د موجودو  C-130J ډوله الوتکو عمر  تر ۲۰۲۸ میلادي کال پورې د غزولو لپاره  د ۱۶۶ میلیونه ډالرو په د ارزښت اضافي تجهیزاتو خرڅلاو منظور شوی دی.

د امریکا د بهرنیو چارو وزارت لخوا د وسلو خرڅلاو ته منظوري  ورکول یواځې ددې خرڅلاو پر وړاندې کوم قانوني  خنډ شتون نلري په معنا دی.

همداشان د امریکا کانګرس د بهرنیو چارو وزارت لخوا ورته په یو هیواد د وسلو پلور د منظورۍ ورکولو په اړه د خبر ورکولو نه په اعتبار سره د ناټو غړیو هیوادونو لپاره د ۱۵ ورځو په دننه کې او د نورو هیوادونو لپاره بیا د ۳۰ ورځو پورې د اعتراض حق لري. که چیرې کانګرس پدې موده کې اعتراض ونکړي د اړوند هیواد سره د خرڅلاو او تدارکاتو په اړه په مذاکراتو پیل کیږي.