په امریکا متحده ایالتونو کې یو تن  الوتکه د خپل کور سره  وجنګوله  .

د ترلاسه شوو معلوماتو له مخې  د امریکا د یوتا  په ایالت کې  یو تن پیلوټ  الوتکه د خپل کور سره د جنګولود سره  ځانوژنه وکړه.

د یوتا د ایالت اوسیدونکی  ۴۲ کلن  دوین یود  د نوموړې پيښې نه یوه ورځ  مخکې  د کورنۍ شخړې له امله  د پولیسو لخوا نیول شوی وو چې د خوشې کیدو نه يي سمدلاسه وروسته  د الوتکې سره  ځانوژنه وکړه.

د یوتا د ایالت د پولیسو مشر خبري رسنیو ته ویلي دي چې  دوین یود  د خوشې کیدو نه وروسته  د سپنش فورک  د هوايی ډګر نه د الوتنې نه وروسته  الوتکه د خپل کور سره  وجنګوله. هغه ویلي دي چې  د پيښې پر مهال  دوه تنه  نور هم  په کور کې وو خو  هغوې ته  زیان  ندی اوښتی.

عینې شاهدانو خبري رسنیو ته ویلي دي چې د پيښې نه وروسته  په کور کې ډیره زوروره  اورلګیدنه  رامنځته شوه  چې  له امله يي  کور له اوسیدو  وتلی دی.