Түрк желеги Нью - Йоркто желбиреди

Америка Кошмо Штаттарында 19 - Май Ататүрктү эскерүү, жаштар жана спорт майрамы белгиленди.

АКШнын Нью-Йорк шаарынын экономикасынын борбору болгон Уолл Стрит аймагында салттуу түрк желегин көтөрүү аземи болду.

Түрктөр Түркия  -  Америка ассоциациялар федерациясы жана Нью-Йорк башкы консулдугу тарабынан уюштурулган 19 - Май майрамы үчүн  Боулинг Грин паркында чогулушту.

Шейиттер үчүн бир мүнөттүк эскерүүдөн кийин мамлекеттик гимн аткарылды.

Аземге Түркиянын Вашингтондогу элчиси Седат Өнал, Бириккен Улуттар Уюмундагы туруктуу өкүл Ахмет Йылдыз, Нью-Йорктун башкы консулу Рейхан Өзгүр жана расмий өкүлдөр да катышты.

Аземде АКШда жашаган түрктөр да сөз сүйлөштү. Түрк окуучулары ырларды айтышты.

Нью - Йорктун полиция бөлүмүндө иштеген түрк полиция кызматкерлери коопсуздукту камсыздап, 19  -  Май жаштар жана спорт майрамынын кубанычын бөлүштү.

Аземдин акырында түрк желеги Уолл Стрит аймагында көтөрүлдү.