Эрдоган:«Адамзат тарыхындагы эң ырайымсыз кыргындардын бири Газада 7-октябрдан бери болуп жатат»

Президент Режеп Таййип Эрдоган:«Адамзат тарыхындагы эң ырайымсыз кыргындардын бири Газада 7-октябрдан бери болуп жатат»,-деди.

Президент Эрдоган Стамбулда өткөрүлгөн Дүйнөлүк ислам аалымдарынын кеңешүү саммитинин ачылыш программасында сөз сүйлөдү.

Өздөрүн «эркиндиктин өлкөсү» деп баалагандардын Израилдин кызыкчылыктары сөз болгондо бир заматта фашизмге бурулганын айткан Эрдоган: «Арасында онкологиялык оорулуулар да болгон 400дөн ашуун газалык бейтаптарды жана жарадарларды өлкөбүздүн ооруканаларында дарылап жатабыз», - деп айтты.

«Абийирдүү өлкөлөр жана коомдордон башка глобалдык системанын кожоюндарынын Израилге кысым көрсөтүүсүн күтүү таптакыр бекерчилик болот»,-деп айткан Президент: «Израилдин ар бир абийирдүү үндү антисемитизмдин таякчасы менен басуусуна жол бербейбиз»,- деди.

Израилдин Газага кол салуулары башталган 7-октябрдан бери адамзат тарыхындагы эң ырайымсыз кыргындардын бири болгонуна көңүл бурган Эрдоган:«Израиль бейкүнөө адамдардын канын төгүүнү улантууда. 15 миң бала мыкаачылык менен өлтүрүлдү. 35 миң палестиналык бир тууган шейит болду. 2 миллион адам үй-жайын таштап кетүүгө аргасыз болду. 7-октябрга чейин ансыз деле ачык асман астындагы абак болгон Газа акыркы 219 күндүн ичинде кыргын салуучу лагерге айланды, муну биз мурда Гитлердик Германиядан гана көргөнбүз»,-деп айтты.

 «Бардык өлкөлөрдү Палестина мамлекетин тез арада таанууга чакырган» Эрдоган: «Хамас туруктуу ок атышпоо жолунда (Газа тилкесинде) абдан маанилүү кадам таштады жана (Израилдин премьер-министри Беньямин) Нетаньяху башкаруусунун жообу Рефахтагы бейкүнөө адамдарга кол салуу болду»,-деди.

Президенттин сөзүндө, «Ооганстандын Баглан провинциясында селден каза болгондорго Кудайдан ырайым тилеп, жабыр тарткан ооган элинин тезирээк сакайып кетишин каалайм»,деген билдирүү жасады.

Багланда болгон сел апаатында 300дөн ашуун адам каза болду.