Вице-президент Йылмаз Өзбекстанда

Вице-президент Жевдет Йылмаз 3-Эл аралык Ташкент инвестиция форумуна катышуу үчүн барган Өзбекстанда президент Шавкат Мирзиёев менен жолугушту.

Жолугушууда Түркия менен Өзбекстандын ортосундагы учурдагы кызматташтык жана жаңы инвестициялык мүмкүнчүлүктөр талкууланды.

Жолугушууну социалдык медиа эсебинен бөлүшкөн Йылмаз: «Мирзиёев мырза менен жолугушуубузда биз өлкөлөрүбүздүн ортосундагы учурдагы кызматташуубузга жана жаңы инвестициялык мүмкүнчүлүктөргө баа бердик. Биз Мирзиеев мырзанын жетекчилиги астында жүргүзүлүп жаткан реформа жана өнүгүү процессине кылдат байкоо салып, жогору баалайбыз. Ташкент инвестициялык форумуна маани беребиз. Бул контекстте өткөрүлө турган иш-чаалар Өзбекстандын потенциалын көрсөтүп турат. 2024-жылдын 6-июнунда өлкөбүздө уюштура турган Жогорку деңгээлдеги стратегиялык кызматташтык кеңешинин механизм жыйынынын алкагында Мирзиёев мырзаны өлкөбүздө тосуп алуудан кубанычта болобуз. Өзбекстан менен болгон жалпы тарыхый жана маданий байланыштарыбыздын алкагында «Тилде, пикирде жана иште биримдик» деген ураан менен болгон достугубузду жана боордоштугубузду бекемдейбиз», - деп айтты.

Өзбекстандын Президенттигинен берилген жазуу түрүндөгү маалыматта жолугушууда Өзбекстан менен Түркиянын ортосундагы ар тараптуу стратегиялык өнөктөштүк карым-катнаштарынын жана көп тараптуу кызматташтыктын мындан ары да кеңейишине байланыштуу актуалдуу маселелер талкууланганы белгиленди.

Билдирүүдө энергетика, тоо-кен, тамак-аш, текстиль жана башка туруктуу секторлордо алдыңкы түрк компанияларынын катышуусунда ири инвестициялык долбоорлор ишке ашырылганы баса белгиленди.

Вице-президент Йылмаз Ташкентте Өзбекстандын Сенатынын төрагасы Танзила Нарбаева менен да жолугушту.

Йылмаз жолугушууга байланыштуу билдирүүсүндө: «Жолугушууда эки тараптуу, аймактык жана эл аралык маселелерди, ошондой эле парламенттер аралык мамилелерди, саясий, экономикалык жана маданий маселелерди талкуулоого мүмкүнчүлүк болду. Түрк дүйнөсүн ар бир тармакта күчтөндүрүү максатыбыз үчүн чечкиндүүлүк менен иштөөнү улантабыз»,-деди.

Йылмаз мындан мурда борбор шаар Ташкентте вице-премьер жана экономика жана каржы министри Жемшид Кучкаров менен жолугушкан.

Вице-президент Йылмаз жолугушууга байланыштуу билдирүүсүндө:«Жолугушууда биз өлкөлөрүбүздүн ортосундагы саясий, экономикалык жана маданий карым-катнаштарыбызга, ошондой эле айыл чарба, курулуш, энергетика, суу чарба, транспорт, банк-финансы сыяктуу тармактардагы өз ара инвестицияларыбызга баа бердик. Өзбекстан менен утуш-утуш (win-win) принцибине негизделген жана тең салмактуу түрдө уланып жаткан эки тараптуу соодабыз 2023-жылдын аягына карата 3,1 миллиард доллардан ашты.

Президенттерибиз белгилеген 5 миллиард долларлык соода көлөмүбүзгө жакын арада жетээрибизге толук ишенебиз. Биз ата мекенибиз Өзбекстандын Түрк Мамлекеттери Уюмундагы (ТМУ) ролуна чоң маани беребиз. Биз ошондой эле Өзбекстанда жүргүзүлүп жаткан реформалар менен олуттуу өзгөрүүнү баштан кечирип жатканын канааттануу менен байкап жатабыз жана өлкөлөрүбүздүн ортосундагы тамыры терең жана терең байланыштарга негизделген кызматташтык бизге дагы да күч-кубат берет деп ишенебиз. Мен Кучкаров мырзага жана анын делегациясына меймандостугу үчүн ыраазычылык билдиргим келет жана биздин кызматташтыгыбыз мындан ары дагы улана берет деп ишенем», - деп айткан.