Алпер Гезеравжы жерге кайтып келүүдө

Биринчи түрк астронавты Алпер Гезеравжы Эл аралык космос станциясындагы миссиясын ийгиликтүү аяктады.

Гезеравжы жана аны коштогон 3 астронавтты ташыган Драгон кемесинин аба ырайына байланыштуу түштөн кийин Флоридага жакын сууга конуусу пландалууда.

Флориданын чыгыш жээгине же Мексика булуңунун жээгине конуусу пландалган Драгон командасы бортко алынгандан кийин биринчи текшерүүдөн өтүшөт жана ал жерден АКШнын Хьюстон шаарына алып барылат.

Команда Хьюстондо медициналык текшерүүдөн өтөт жана бир аз убакытка карантинде болот.

Ошол эле учурда Түрк космос агенттиги (TUA) Түркиянын биринчи астронавты Алпер Гезеравжынын Эл аралык космос станциясында микрогравитация чөйрөсүндөгү заттардын кыймыл динамикасын изилдеген видео жарыяланды.

Түрк космос агенттигинин социалдык медиа эсеби Хтен берилген маалыматта : «Түркиянын биринчи астронавты Гезеравжы айлануу жана инерция боюнча видео тартты. Анда микрогравитация чөйрөсүндөгү нерселердин кыймылынын динамикасын изилдеди. Ньютондун кыймыл мыйзамдарынын космосто кандай иштээрин көрсөткөн бул видео космос физикасына болгон кызыгууну канааттандырат»,- деп айтылды.