Чоң Газа жүрүшү жана митинги эртең өткөрүлөт

Израилдин Палестинага карата кол салууларынан улам Газада болгон адамзаттык  трагедияга көңүл буруу жана палестиналыктарга колдоо көрсөтүү максатында эртең борбор шаар Анкарада «Чоң Газа жүрүшү жана митинги» өткөрүлөт.

Анкарада бейөкмөт уюмдар тарабынан түзүлгөн платформада уюштурула турган программа Ататүрк маданият борборунун метро станциясынан марш менен башталат.

Жөө жүрүш Анадолу аянтында аяктап, анда сүрөтчүлөр, журналисттер жана коноктор катышуучуларга сөз сүйлөй турган митинг өткөрүлөт.