Сауд Арабиядан жер титирөөдөн жабыркагандарга жардам

Сауд Арабия 6-февралда Түркия жана Сирияда болгон жер титирөөлөрдөн жабыркагандарга 19-жардам учагын жөнөттү.

Сауд Арабиянын расмий кабар агенттиги SPA, 27 тонна медициналык каражат жана жабдууларды ташыган 19-жардам учагынын борбор шаар Эр-Рияддагы Эл аралык Король Халид аэропортунан Газиантеп аэропортуна учуп кеткенин маалымдады.

Аталган жардам учагынын Сауд Арабиянын Түркия жана Сириядагы жер титирөөлөрдөн жабыркагандар үчүн курган жардам көпүрөсүнүн бир бөлүгү катары жөнөтүлгөнү айтылды.

Сауд Арабия 18-жардам учагын Түркияга ишемби күнү жөнөткөн.