Кулеба Түркияга баа берди

Украинанын тышкы иштер министри Дмитрий Кулеба, колдонгон тең салмактуулук дипломатиясын түшүнгөндөрүн билдирген Түркиянын аларга колдоо көрсөткөнүн билдирди.

Грециянын тышкы иштер министри Никос Дендиас расмий иш сапарынын алкагында барган Киевде украиналык кесиптеши Кулеба менен жолугушту.

Жолугушуудан кийин баш калкалоочу жайда өткөрүлгөн биргелешкен маалымат жыйынында Кулеба Түркиянын 24-февралдан бери уланып жаткан Украина-Орусия согушунда бейтарап позицияга ээ эмес экенин ойлогондугун белгилеп: «Сиздердин кандай экенин көрүп жатабыз. Түркия Украина платформасын колдойт»,-деп айтты.

Түркиянын Украина менен аскердик тармактагы кызматташтыгынан ыраазы болгондорун баса белгилеген Кулеба, Түркиянын Орусия менен болгон карым-катнаштары жана экономикалык тармактагы кызматташтыгы тууралуу : «Түркиянын тең салмактуу тышкы саясатын түшүнөбүз. Ал бейтарап эмес. Биз менен, биз үчүн маанилүүсү ал белгилүү тармактарда кызматташтык  кылып жатат жана башка маселелер боюнча Орусия менен кызматташууда»,-деп өз баасын берди.

Украин министри Түркиянын өлкөсү менен алар үчүн «өмүр-өлүм маселеси» болгон маселелерде кызматташып жатканын айтты.