Азербайжан менен Армения Газах облусуна карай чек ара сызыгын аныктоо боюнча протоколго кол коюшту
Азербайжандын вице-премьер-министри Шахин Мустафаев менен Армениянын вице-премьер-министри Мгер Григоряндын жетекчилигинде эки өлкөнүн чек арасында чек араны аныктоо комиссияларынын 9-жыйыны өттү.
Азербайжан менен Армения Газах облусуна карай чек ара сызыгын аныктоо боюнча Советтер Союзунун Башкы штабынын 1976-жылдагы топографиялык картасына ылайык протоколго кол коюшту.
Азербайжандын вице-премьер-министри Шахин Мустафаев менен Армениянын вице-премьер-министри Мгер Григоряндын жетекчилигинде эки өлкөнүн чек арасында чек араны аныктоо комиссияларынын 9-жыйыны өттү.
Азербайжан тараптан берилген жазуу түрүндөгү маалыматка караганда тараптар Газах аймагындагы чек ара сызыгынын координаттарын аныктоону сүйлөшүштү.
Тараптар Армения кайтара турган Азербайжанга тиешелүү 4 айыл менен армян айылдарынын ортосундагы чек ара сызыгынын координаттарын аныктоо үчүн Советтер Союзунун Башкы штабынын 1976-жылдагы топографиялык картасына ылайык макулдашышып, протоколго кол коюшту.
Комиссиялардын мурунку жыйынында Армения 1-Карабах согушунда (2016) басып алган Баганис Айрым, Төмөнкү Эскипара, Хейримли жана Кызылхажылы айылдарын Азербайжанга кайтарууну макулдашкан.
Эки өлкөнүн эксперттик топтору чек арада геодезиялык өлчөө иштерин баштап, Азербайжан менен Армениянын чек арасына биринчи жолу чек ара ташы коюлду.
