Татар: «Кипрде федералдык негизде чечим түгөндү»

Түндүк Кипр Түрк Республикасынын (ТКТР) президенти Эрсин Татар, Кипр Түрк элинин эл аралык тең укуктуу статусу жана эгемендүүлүгү кабыл алынмайынча, румдар менен расмий сүйлөшүү процессин баштоонун мүмкүн эместигин билдирди.

Гамбиянын борбор шаары Банжулда өткөрүлгөн Ислам Кызматташтык Уюмунун (ИКУ) 15-саммитине ТКТРдин «байкоочу» мүчөлүгүнөн улам катышкан татар Левкошага кайтып келгенден кийин Эржан аэропортунда маалымат жыйын өткөрдү.

Татар, мындан ары Түндүк Кипр Түрк Республикасынын таанылышын дагы да арттыруу үчүн аракет кыла тургандарын белгилеп, бул жагынан ар дайым колдоо көрсөткөн Түркияга ыраазычылык билдирди.

Түндүк Кипр Түрк Республикасынын бардык тармакта Түркия менен шайкеш саясат жүргүзгөнүнө көңүл бурган Татар, Кипрдин румдары менен расмий сүйлөшүү процессинин башталышынын шартынын эл аралык тең укуктуу статус, эгемендүүлүк жана Кипр түрк элинин мамлекетинин кабыл алынышы экенин баса белгиледи.

Татар сөзүн улап: «Кипрде федералдык негизде чечим түгөндү. Биздин эки мамлекетке негизделген жаңы саясатыбыздан эч кандай артка кадам жок. Мен бул абалды ушул аптада жолугуша турган Бириккен Улуттар Уюмунун Башкы катчысынын Кипр боюнчажеке өкүлү Мария Анжела Ольгин Куэльярга билдирем. Сүйлөшүүлөр эки мамлекеттүү, эгемен тең укуктуу, эл аралык статусу ырасталган, биздин жаңы саясатыбызга негизделип жүргүзүлүшү мүмкүн»,-деп айтты.