Алиев Акарды Бакуда кабыл алды
Акар борбор калаа Бакудагы Президенттик комплексинде өткөрүлгөн кабыл алууда эки өлкөнүн ортосундагы боордоштуктун түрк дүйнөсүнүн улуу жана даанышман лидери Гейдар Алиевдин алдыга койгон «бир улут, эки мамлекет» түшүнүгү менен уланып жатканын баса белгил
Азербайжандын президенти Илхам Алиев улуттук коргоо министри Хулуси Акар жана аны коштогон Түрк куралдуу күчтөрүнүн (ТСК) командирлик эшелонун кабыл алды.
Акар борбор калаа Бакудагы Президенттик комплексинде өткөрүлгөн кабыл алууда эки өлкөнүн ортосундагы боордоштуктун түрк дүйнөсүнүн улуу жана даанышман лидери Гейдар Алиевдин алдыга койгон «бир улут, эки мамлекет» түшүнүгү менен уланып жатканын баса белгиледи.
Азербайжандын 30 жылдык баскынчылыгын 44 күнгө созулган Ата Мекендик согуш менен аяктаган Жеңиш майрамын куттуктаган Акар: «Азербайжан армиясы 44 күнгө созулган Ата Мекендик согуш менен басып алынган жерлерин баскынчылыктан бошотту. Жеңишке жетүү үчүн түрктөрдүн күчү, жөндөмдүүлүгү жана мүмкүнчүлүгү бар экенин бүткүл дүйнөгө көрсөттү»,- деди.
Өнүгүүлөрдү жакындан байкашкандарын белгилеген Акар: «Азербайжандык боордошторубуз менен кызматташтыгыбызды улантып жатабыз. Аскердик билим берүү тармагында кызматташуу, кеңеш берүү жана коргонуу өнөр жайында эмнелерди жасай аларыбызды биргелешип чечип жатабыз»,-деди.
Азербайжан менен Түркиянын биргелешип сунган тынчтык колун Армениянын түшүнүшү жана керектүү чара көрүлүшү керектигин баса белгилеген Акар: «Мунун аймак үчүн да маанилүү экенин, ушундай жол менен Кавказдын тынчтык жана ырааттуулуктун аймагына айлана турганын Армениядан баштап, ар ким көрүшү керек»,-деп айтты.
Улуттук коргоо министри Акар андан кийин азербайжандык кесиптеши генерал Закир Хасанов менен жолугушту.
Хулуси Акар бетме-бет жана делегациялар аралык жолугушуулардан кийинки билдирүүсүндө эки өлкөнүн ортосундагы достук жана боордоштуктун «бир улут, эки мамлекет» түшүнүгү менен эң жогорку деңгээлде уланып жатканын белгиледи.
«Түркия катары азербайжандык боордошторубуз менен ушул убакка чейин болгонундай мындан ары да бир муштум, бир жүрөк болууну улантабыз, ар дайым кымбаттуу Азербайжаныбыздын жанындабыз. Азербайжан эч качан жалгыз эмес»,- деди.
Хасанов, Түркия менен Азербайжандын коргоо министрликтеринин ортосундагы кызматташтыктын өсүү менен уланып жатканын баса белгилеп, Акарга берген колдоосу үчүн ыраазычылык билдирди.
