Түрк басма сөзү 19.07.2023

«Сабах» гезити «Түркия менен Катардын 50 жылдыгына карата биргелешкен билдирүүсү» аттуу маалыматында президент Режеп Таййип Эрдоган расмий жолугушууларды өткөрүү үчүн барган Катарда Түркия менен Катардын дипломатиялык карым-катнаштарынын 50 жылдыгынан улам биргелешкен билдирүүгө кол коюлганын маалымдаган. Түркия менен Катардын ортосундагы күчтүү карым-катнаштарга көңүл бурулган билдирүүдө тилектештик жана бир туугандыкка басым жасалды. Билдирүүдө кызматташуунун деңгээлин жогорулатууга багытталган 100гө жакын документке кол коюлганы айтылды.

«Хабер түрк» гезити «Өлкөбүз жана түрк инженерлери үчүн сыймыктануу учуру болду» аттуу кабарында өнөр жай жана технология министри Мехмет Фатих Кажырдын Сауд Арабиянын мураскор ханзаадасы Мухаммед бин Салманга ата мекендик Togg унаасынын белекке берилишине байланыштуу социалдык медиа эсебинен билдирүү жасап: «Президентибиздин ыраазычылыгы менен белек катары берилген Togg, Сауд Арабиянын мураскор ханзаадасы Мухаммед бин Салман жеке өзү айдады. Мураскор ханзаада сапары учурунда айткан ыраазычылыгы өлкөбүз жана түрк инженерлери үчүн сыймыктануу булагы болду»,-деп айтканын баяндаган.

«Стар» гезити «Байрактар ​​АКЫНЖЫ Сауд Арабиянын асманында учат» аттуу маалыматында Байкар менен Сауд Арабиянын Коргоо министрлигинин ортосунда Байрактар ​​AKINCI TİHA (Чабуулчу учкучсуз учуучу аппарат) экспорт жана кызматташтык келишимине кол коюлганын маалымдаган. Байрактар ​​AKINCI TİHAлар Сауд Арабия Королдугунун Аба жана деңиз күчтөрү командирлигинин инвентаризациясында кызмат кылат.

«Йени Шафак» гезити «Сауд Арабияга рекорддук экспорт» деген кабарында Түркиянын Сауд Арабияга экспорту килем өнөр жайы баштаган жылдын биринчи жарымында 1 миллиард доллардан ашканын белгилеген.

«Хүррийет» гезити «Түркия менен Улуу Британиянын ортосунда эркин соода сүйлөшүүлөрү башталды» аттуу маалыматында Соода министрлиги Түркия менен Улуу Британиянын соода өнөктөштүгүн кайра карап чыкканын жана кеңири эркин соода келишими үчүн сүйлөшүүлөрдү баштаганын жарыялаганын маалымдаган.