Буларды билесиздерби?
Ликия жолу.
Дүйнөдөгү эң кооз жөө жүрүү жолдорунун бири Түркияда экенин билесиздерби?
Фетхиеден башталып, Антальяга чейин созулган узун жөө жүрүү жолу, байыркы убакта аймакта жашаган Ликия цивилизациясынан улам Ликия жолу деп аталып калган.
Фетхиеден башталып Антальяга чейин созулган бул жөө жүрүш багыты боюнча изилдөөлөр 1992 - жылы башталган. Британиядан келип Türkiyeге отурукташкан Кейт Клоу 1999 - жылы Ликия жолу жолун басып өткөн биринчи адам болгон. Кийинчерээк Клоу бул жолду сүрөттөгөн китеп жазып, Ликия жолун дүйнөгө таанытты.
Ар түрдүү булактар тарабынан дүйнөнүн эң мыкты 10 узак аралыкка жөө басуу жолдорунун бири катары көрсөтүлгөн Ликия жолу дүйнөнүн эң кооз 50 жөө басуу жолдорунун бири. Трассада жайгашкан Гелидонья маягынын көрүнүшү 2007 - жылы Türkiyeнин эң кооз көрүнүшү катары тандалган. Кошумчалай кетсек, бул аймактан көрүнүп турган Америка булуңунда дүйнөдө биринчи жолу бүтүндөй бир кеме казыла турган суу астындагы казуу иштери жүргүзүлгөн.
Болжол менен 550 километрге созулган Ликия жөө жүрүү жолу Türkiyeнин эң маанилүү туризм аймагында жайгашкандыктан, көптөгөн жайгаштыруу жана транспорт мүмкүнчүлүгүнө ээ. Жер ортолук деңиз климаты үстөмдүк кылган аймакта кыш айлары кыйла жумшак болгондуктан, жөө жүрүү мезгили да бир топ узун болот.
