Коммуникация башкармалыгы Түркиянын дипломатиялык демилгелерин түшүндүрүүдө

Президенттикке караштуу Коммуникация башкармалыгы тарабынан даярдалган «Аймактык кызматташтыкты жана ырааттуулукту бекемдөөдө Түркиянын борбордук ролу» аттуу китеп жарык көрдү.

Түркиянын тынчтык орнотуу жана кагылышууларды токтотуудагы борбордук, көп өлчөмдүү жана турукташтыруучу ролу түшүндүрүлгөн китепте Түркиянын президент Режеп Таййип Эрдогандын жетекчилигиндеги демилгечил жана гуманитардык тышкы саясаты аркылуу эл аралык тынчтыкты жана бейпилдикти орнотуу үчүн көтөргөн демилгелери бар.

Китептин биринчи бөлүгүндө Түркиянын Орусия-Украина согушун дипломатиялык жол менен токтотуу аракети камтылган.

Экинчи бөлүмдө Украина данынын Кара деңизден коопсуз өтүшү үчүн Украина портторунан эгин жана азык-түлүктү коопсуз ташуу демилгеси документине кол коюу процессиндеги Түркиянын ролу талкууланат.

Үчүнчү бөлүмдө Түркиянын Сириядагы бийлик боштугунан пайдаланган террордук уюмдардын аймактагы өлкөлөргө коркунуч жаратуусуна бөгөт коюу аракети түшүндүрүлөт.

Төртүнчү бөлүмдө Түркиянын Чыгыш Жер Ортолук деңизинде эл аралык укукка жана тең укуктуулукка таянуу менен укуктарын коргоодогу ийгилиги, ошол эле учурда коңшу өлкөлөр менен жаңжалсыз чөйрөнү сактаганына көңүл бурулат.

Акыркы бөлүмдө Түркиянын Азербайжан менен Армениянын ортосундагы карым-катнаштарды нормалдаштыруу аракети жана Баку менен Түркиянын ортосунда түз каттамдарды камсыз кылуу аракети талкууланат.

Түрк жана орус тилдеринде даярдалган китепте бул темалардын эл аралык медиа чагылдырылышы, Түркиянын пайдасына жана ага каршы жүргүзүлгөн таасир кампаниялары, бул темада жасалган жалган маалымат жана манипуляция аракеттери да орун алган.

Президенттикке караштуу Коммуникация башкармалыгынын башчысы Фахреттин Алтун изилдөөгө берген баалоосунда Түркиянын адамдык дипломатиялык мамилесинин дүйнөнүн бардык өлкөлөрү тарабынан бааланганын белгиледи.