Жо Байден Газага карата кол салуулардын "геноцид эмес экендигин" жактады

Америка Кошмо Штаттарынын президенти Жо Байден Израилдин Газага жасаган кол салууларынын "геноцид эмес" экендигин жактады.  

Жо Байден Ак үйдө "Америкалык жөөттөрдүн мурасына сый көрсөтүү айына" карата иш - чарада сөз сүйлөдү.

«Ачык айтам, Эл аралык адилеттик сотунун Израиль тууралуу айткандарынын терсине Газада болгондор кыргын эмес. Биз муну кабыл албайбыз»,- деген Байден Эл аралык кылмыш сотунун башкы прокурору Керим Хандын Израилдин премьер  - министри Беньямин Нетаньяху жана коргоо министри Йоав Галлант тууралуу «камоо чечими» тууралуу кайрылуусунун да четке каккандарын белгиледи.

Байден : «Израиль менен Хамастын бир каралышы туура эмес»,- деди.

Эл аралык кылмыш сотунун башкы прокурору Керим Хан Израилдин премьер-министри Нетаньяху менен коргоо министри Галлант тууралуу  «камоо чечими» тууралуу  ордер берүү үчүн арыз бергенин жарыялаган.

Эл аралык соттун билдирүүсүнө ылайык, Хан Израилдин премьер-министри Нетаньяху жана коргоо министри Йоав Галланттан тышкары, Хамастын саясий бюросунун башчысы Исмаил Хания, Хамастын Газадагы лидери Яхя Синвар жана Хамастын аскердик канаты Иззеддин аль - Кассам бригадасынын лидери  Мухаммед Эд-Дайфты камакка алуу үчүн арыз берген.