Ооганстандагы селдерден 400 адам каза болду

Ооганстандын Түркмөнстан чек арасындагы Фаряб провинциясында селден улам дагы 18 киши каза болуп, акыркы жумаларда өлкөнүн түндүк провинцияларында жааган жамгырдан улам болгон селден улам каза болгондордун саны 400гө жакындады.

TOLO News телеканалына берген маалыматында Фаряб губернаторлугунун катчысы Исметуллах Муради провинцияда селден кеминде 18 кишинин каза болгонун айтты.

Муради ошондой эле эки миң акрдан ашуун айыл чарба жеринин жараксыз болгонун, 1000ден ашуун үйдүн зыянга учурагандыгын жана 300дөн ашуун малдын кырылып калганын белгиледи.

Бир тараптан Гор провинциясында селден улам бир кишинин каза болгону, ондогон кишинин дайынсыз жоголгону кечээ жарыяланды.

Ооганстанда аба ырайынын жылышы менен кыш айларында жааган кардын эриши, нөшөрлөп жааган жамгыр жана жетишсиз инфраструктуранын натыйжасында пайда болгон селдер адам өмүрүнө жана мал-мүлккө зыян келтирүүдө. Мындан улам өлкөдө жыл сайын жүздөгөн адамдар каза болуп жатат.