Япон министри америкалык Грэмге каршы чыкты
Япониянын тышкы иштер министри Камикава Йоко Грэмдин өлкөсүнүн Израилге курал-жарак жеткирүү зарылчылыгы жөнүндөгү окшоштуруусун кабыл алынгыс деп тапты.
Америка Кошмо Штаттарынын (АКШ) республикачыл сенатору Линдси Грэмдин өлкөсүнүн Израилге курал-жарак колдоосун улантууга чакыруусун Хиросима менен Нагасакиге ташталган атомдук бомбаларга шилтеме жасоосуна Япония каршы чыкты.
Япониянын тышкы иштер министри Камикава Йоко Грэмдин өлкөсүнүн Израилге курал-жарак жеткирүү зарылчылыгы жөнүндөгү окшоштуруусун кабыл алынгыс деп тапты.
Министр Камикава: «Жакынкы Чыгыштагы азыркы кырдаалды эске алып, Хиросима менен Нагасакиге ташталган атомдук бомбаларды мисал катары ала турган талкууну көтөрүү таптакыр кабыл алынгыс», - деди.
Грэмдин баа берүүсүн «адамзаттын рухуна туура келбеген жана өтө өкүнүчтүү» деп сыпаттаган япон министри Хиросима жана Нагасаки апааттары эч качан кайталанбашы керектигин баса белгилеп, анын өлкөсү өзөктүк куралдын кыйратуучулугун түшүнүүгө көмөктөшүүнү максат кылганын айтты.
Сенатор Линдси Грэм NBC каналында көрсөтүлгөн «Басма сөз менен таанышуу» программасында Израилдин Газага жасаган кол салууларына токтолду.
«Экинчи Дүйнөлүк согушта (1939-1945) биз Хиросима менен Нагасакиге (1945) бомба таштоо менен согушту токтотууну чечтик. Бул туура чечим болгон», - деп айткан Грэм: «Израиль жөөт мамлекети катары жашап кетүү үчүн зарыл болгондун баарын жасаганга укугуң бар»,-деп кошумчалаган.
