Йемен жана Пакистанда митингдер болду

Йемендин түрдүү шаарларында Израилдин Рафах шаарына карата кол салуулары жана кургактыктагы басып алууларына нааразычылык билдирилди. 

Йемендин борбор шаары Сана менен бирге Таиз, Худейде, Сада, Хажже жана Аль  -  Бейда шаарларында Израилдин басып алуу жана кол салууларына дуушар болгон Газа тилкесиндеги палестиналыктар менен тилектештик митинги өткөрүлдү.

Палестинаны колдоо элдик комитетинин чакыруусу менен Адендин борборундагы Гамаль Абдель Насер көчөсүндө көп сандаган адам чогулуп, Израилдин кол салууларын улантып жаткан Газага колдоо көрсөтүштү.

Израилдин Газага кол салуулары айыпталган митингде  «Сиздер мененбиз... Сиздерди колдойбуз» жана «Таизден Газага... Сиздер менен биргебиз» деп жазылган  баннерлер ачылды.

Пакистанда Палестинаны колдогон жүздөгөн адам Израилди колдоону улантып жаткан Исламабаддагы АКШнын элчилигине карай жүрдү.

Полиция элчиликтин тегерегине тикенектүү зымдарды орнотуп, митингчилердин алдыга жылышына тоскоол болду.

Митингчилер жүрүштө Палестинанын байрактары менен үстүндө "Геноцидди токтоткула" деген ураан жазылган баннерлер менен жүрүштү.