Украина: «Бахмутта 3 чарчы км аянт кайтарылып алынды»
Маляр социалдык медиа эсебинен жасаган билдирүүсүндө чыгыш жана түштүк фронттордогу абалга баа берди.
Украинанын коргоо министринин орун басары Анна Маляр өткөн аптада Бахмуттун жанындагы 3 чарчы километр аянттын кайтарылып алынганын билдирди.
Маляр социалдык медиа эсебинен жасаган билдирүүсүндө чыгыш жана түштүк фронттордогу абалга баа берди.
Украина армиясынын чыгыштагы орус аскерлеринин Купянск багытындагы чабуулун кайтарууну улантып жатканын белгилеген Маляр, порт багытындагы чабуулдары ийгиликсиз болгон орус күчтөрүнүн аскерлерин кайрадан топторго бөлгөндөрүн айтты.
Маляр орус армиясы украин аскерлеринин Бахмут багытында илгерилешине жол бербөөгө аракет кылып жатканын билдирди.
Маляр орус аскерлеринин Донецк аймагынын Клишиевка, Курдюмивка жана Озаряновка отурукташкан жерлеринде да жоготкон позицияларын кайтарууга аракет кылганын, бирок орустардын ийгиликке жетпегенин айтты.
Маляр өткөн жумада Бахмуттун жанында 3 чарчы километрдик аянттын куткарылганын белгилеп: «Бахмуттун жанында ушул убакка чейин жалпы 47 километр квадраттык аянт кайтарылды»,-деди.
Украин коргоо күчтөрүнүн Мелитополь багытында чабуул операциясын улантканына көңүл бурган Маляр, орус армиясынын түштүктө аскер, курал жана техника жагынан олуттуу жоготууга учураганын жана аскерлерин кайра жайгаштырганын айтты.
Бир тараптан Украина Аскердик Аба күчтөрү командирлигинин билдирүүсүндө Орусиянын 32 Шахид тибиндеги учкучсуз учуучу аппараты менен түн ичинде Одесса жана Днепропетровск аймактарына кол салганы жана 23үнүн абадан коргонуу системалары аркылуу атып түшүрүлгөнү белгиленди.
Одесса облусунун Аскердик Башкармалыгынын башчысы Олег Кипер да Одессадагы учкучсуз учуучу аппараттардын кол салууларында ар кайсы калктуу конуштарда кампалар, имараттар, айыл чарба техникалары жана кээ бир жабдыктар зыянга учураганын айтты.
