Орусиянын Одессага эң чоң чабуулу...

Одессанын мэри Геннадий Труханов Орусия шаарга согуш башталгандан берки эң чоң чабуулду жасаганын билдирди.

Труханов Фейсбук эсебинен жасаган билдирүүсүндө Орусиянын түн ичинде шаарга түрдүү ракеталар жана учкучсуз учуучу аппараттар менен кол салганын белгиледи.

Кол салуудан улам кээ бир үйлөрдүн зыянга учураганын белгилеген Труханов эч ким каза болбогонун, бири бала болгон 10 кишинин жараланганын бөлүштү.

Труханов: "Бүгүн түн эң коркунучтуу түндөрдүн бири болду. Согуш башталгандан бери мындай масштабдагы кол салуу болгону эсибизде жок", - деди . 

Украинанын Айыл чарба саясаты жана азык-түлүк министрлиги Орусиянын Одесса жана Чорноморск портторуна кол салганын, дан коридору аркылуу ташылышы пландалган 60 миң тонна эгинге кол салууда сокку урулганын билдирди.

Украинанын президенти Владимир Зеленский да Орусия Украинанын дан соода инфраструктурасын атайылап бутага алганын билдирди.

Орусиянын Коргоо министрлиги болсо Украина армиясынын аскердик объектилерине Одесса шаарынын жанындагы жана Кировоград аймагындагы аскердик базага жогорку тактыктагы ракеталар менен сокку урулганын жарыялады.