Сунак: «Түркия маанилүү роль ойнойт»

Англиянын премьер-министри Риши Сунак Түркиянын Кара деңиз дан коридорунун ийгиликтүү иштешинде маанилүү роль ойноорун айтты.

Сунак Германияда өткөрүлгөн 59-Мюнхен коопсуздук конференциясынын «Дүйнөдөгү Улуу Британия» сессиясында сөз сүйлөдү.

Украинанын жоготкон жерлерин кайтаруу менен бирге контрчабуул менен да жерлерин алышына колдоо көрсөтө турганын билдирген Сунак, Стамбул дан келишимине токтолуп: «Бул Бириккен Улуттар Уюму аркылуу эл аралык кызматташтыктын жакшы көрсөткүчү болду. Түркия Кара деңиз дан коридорунун ийгиликтүү иштешинде маанилүү ролду ойнойт. Келишим март айында жаңыртылууга тийиш. Бул келишимди жаңыртуу үчүн жалпы күч-аракетибизди жумшашыбыз керек жана эгинди муктаж болгон өлкөлөргө жеткирүүнү камсыздоону улантышыбыз зарыл»,-деп айтты.

Сунак ошондой эле Украинанын жеңишин каалагандарга жардам берүүнүн эң туура учур экенине көңүл буруп: «Ал эми истребителдик учактарга келсек, украиналык учкучтарды НАТО стандартындагы учактар ​​жана НАТОнун тактикасы менен өлкөбүздө окутуп жатабыз. Бул Украинанын коопсуздугуна узак убакыт кызмат кылат. Украинага учактарды жеткирүүдө бир аз кыйынчылыктар бар. Украинага учак берүүнү каалагандарга Улуу Британия катары кубануу менен жардам беребиз»,-деди.

Өлкөсүнүн Украинага танк жөнөткөн биринчи өлкө болгонун белгилеген Сунак, украин аскерлерине берилген машыгуудан тышкары 2,3 миллиард фунт стерлинг (52,1 миллиард лира) да жардам берилгенин айтты.

Алдыбыздагы айларда 2022-жылга караганда көбүрөөк аскерий жардам көрсөтүлөрүн билдирген Сунак Британиянын Украинага абадан коргонуу үчүн дагы узак аралыкка жетүүчү куралдарды бере турганын баса белгиледи.