АКШнын эки штатында өзгөчө абал жарыяланды
Калифорниянын саламаттыкты сактоо кызматкерлери штатта маймыл чечеги оорусунун 800гө жакын учурунун катталганын жарыялашты.
Америка Кошмо Штаттарынын (АКШ) Калифорния жана Иллинойс штаттарында маймыл чечеги оорусуна чалдыккандардын санынын көбөйгөнүнө байланыштуу өзгөчө абал жарыяланды.
Калифорниянын губернатору Гэвин Ньюсом губернатордун веб-сайтындагы билдирүүсүндө маймыл чечеги эпидемиясынын тездик менен жайылышынан улам Сан-Францискодогу өзгөчө абалдан кийин штат боюнча жалпы өзгөчө абал жарыяланганын айтты.
Ньюсом белгилегендей, алар федералдык өкмөт менен көбүрөөк вакциналарды сатып алуу жана тобокелдикти азайтуу жөнүндө маалымдуулукту жогорулатуу үчүн иштешүүнү уланта беришет.
Калифорниянын саламаттыкты сактоо кызматкерлери штатта маймыл чечеги оорусунун 800гө жакын учурунун катталганын жарыялашты.
Иллинойс штатынын губернатору Жей Роберт Притцкер болсо өзгөчө абалдын "жайылуунун алдын алуу үчүн коомдук саламаттыкты сактоонун бардык булактарынын толук ишке ашырылышын талап кылганын, бул штаттын коомдук саламаттыкты сактоо департаментине вакциналарды таратууга жана коомчулукка вирус жөнүндө маалымат берүүгө толук ыйгарым укуктарды бере турганын айтты.
Нью-Йорк штатында жана Сан-Францискодо маймыл чечек оорусуна чалдыккандардын санынын көбөйгөнүнө байланыштуу АКШда биринчи жолу өзгөчө абал 30-июлда жарыяланган болчу.
Тектеш кабарлар
Акш, Израиль жана Египет «Рафах» маселесин талкуулашты
Египеттин ММКлары эгер Израиль Рафахтан чегинбесе, Египет чек арасын ачпай турганын билдирди.
Француз жана испан дыйкандарынын нааразылыгы
Жүздөгөн трактор менен чек арага келген дыйкандар өтмөктү тосушту.
